Khua a lo thalin Huan/Lo ram hal a lo hun leh dawn ta a, fimkhur tawk loh avang leh meikawng an sial that tawk loh thin avangin, rim taka an thawhchhuahte leh ramte an tikang nasa thin a, hei hi thil pawi tak a ni a. Chuvangin, District Magistrate, Aizawl District, Aizawl (Judicial Branch) chuan nimin ni 18th February, 2019 khan a hnuaia mi ang hian Thupek a chhuah a ni :
1. Lo/Huan hal turte chuan Dt.15.3.2019 hmain an hal vek tur a ni a. Tin, an hal tur thu hi VC ten DLAO an hriattir hmasa bawk tur a ni.
2. Lo hal turten lo hal hmain mei-kawng tha taka sial vek tur a ni.
3. Mi tumahin ram tihkan loh tur a ni a. Village Council/Local Council te hriattir hmasa lovin mahni duh thua hal mai mai loh tur. Village Council/Local Council tinin an area chhung a kan loh nan uluk takin an puangzar tur a ni.
4. Ramhnuaiah meizial bung paih leh meichhem/hal mai mai loh tur a ni.
5. Kangmei lakah kan him theih nan mahni In leh a velte tifai thain, awlsam taka kangkai thei thil (petrol, diesel, etc) lakah kan fimkhur tur a ni.
6. Heng khua - Lengpui, Hmunpui, Serzawl, Nghalchawm, Lengte, Sihhmui, Sairang, Sairang Dinthar leh Mualkhang te hian Lengpui Airport-a thlawhna veivak a tihbuai loh nan tlai dar thum (3) hnu lamah chauh Lo/Huan an hal tur a ni.
7. Mi tumahin kang hreng loh tur.
He thupek zawmlote chu Section 188 IPC hmangin hrem an ni ang. he thupek hian chhuah a nih atanga thla 2 chhung a huam ang.
