Inrinni  khan Khawzawl Group YMA leh Champhai District Fisheries Office tangkawp buatsaihin Fish Landing Centre sakna hmun Tuichang luiah hnatlang neih a ni a. Luidung nungcha humhalhna kalpui  hnuaia thawhhona hmang hian Khawzawl Group YMA leh District Fisheries Department Staff-te chuan Tuichang lui a Sangha note lo inthlah pun zelna hmun tur ‘Breeding ground’ an siam a. He hunah hian YMA Member leh Department Staff mi 140 lai thawk chhuakin luidung nungcha humhalh kawnga inzirtirna hun hman nghal a ni.

Sangha humhalhna   hmun siam hi Khawzawl Group YMA chuan a hlawhtlinna hmuh anih hma chuan theihtawpa chhunzawm a tum a, mipuite pawhin hei hi hria a, luidung nungchate humhalh tlat turin a  ngen tak meuh a ni. He hun hi Kawlkulh Group YMA hruaitute leh Tualte YMA member-te pawhin an telpui a ni.