Vawiin hian Beti Bachao Beti Padhao (BBBP) Serchhip District Task Force hmalakna pakhat Monthly Girl Child Day, February thla pualin Serchhip District (JN) Hospital-a fanu duhawm tak hringtu Pi Remsangpuii, Chhiahtlang fanu hi BBBP hminga en a ni.

BBBP Serchhip District Task Force Committee chuan Beti Bachao Beti Padhao thiltum pakhat, fanu thar lo piang chu kan lo lawmin kan lo pawm a ni tih lan tirna atan Ministry of Women & Child Development duhdan in Thlatin ni 5-na apiangah Hospital-a fanu lo piang tharte ena, a lawmna thilpek lo pek thin nise, tiin a rel a. Amaherawh chu Serchhip Hospital-ah hian thlatin ni 5 vela en theiha fanu an pian reng chiah loh avangin, ni remchang danga en thin pawh a huam a ni. He ruahmanna ang hian BBBP Serchhip District Programme Management Unit aiawhin Members Pu. K. Saitluanga, DIPRO, Pi Lalsiampuii Tochhawng, DCPO leh Dr. ZD Lalmuanawma, DMS ten Pi Remsangpuii, Chhiahtlang fanu thar chu an en a. A lawmna thilpek an pe nghal a ni.

Hetianga fanu thar en anih chhan leh BBBP thiltumte Pu K. Saitluanga hian sawifiahna  a neih hmasak hnuin thilpek hi Pi Lalsiampuii Tochhawng hian fanu thar hringtu Pi Remsangpuii hnenah hian thilpek hi a hlan a ni.