Vawiin hian SP Conference Hall Serchhipah Beti Bachao Beti Padhao hnuaia Project Management Unit Serchhip buatsaihin Police te tan Orientation Programme buatsaih a ni a, Pu R. Sathiyasundaram, SP chuan khuallian niin a hmanpui.

Khuallian chuan, kum 30 kalta ngaihtuah chuan tun dinhmuna hmeichhiate dinhmun hi a tha tawh viau a. Ram chhung hmun thenkhatah erawh chuan hmeichhiate dah hniamna a la awm nain hmun tam zawkah erawh chuan an ralmuang tawh hle a ni, a ti. Hmeichhe naupangte dinhmun him leh ralmuanga an awm theih nan Police ten mawhphurhna pawimawh tak an nei a, theihtawp kan chhuah zel a tul hle a ni, tiin Police kal khawmte a chah a ni.  

He hunah hian Pi JH Lalparmawii, MJS, 1st Class Magistrate, Serchhip chuan naupangte himna atana Police te hriattur leh an hma lak dan tur chungchangah zirtirna a pe a. Naupang humsual daite leh tawhsual tawkte nihna leh dinhmun chu mipui vantlang hriat puanchhuah a theih loh thu sawiin, thil sual titu te leh a tuartute inkarah inngaidam mai tura thurawn pek hauh loh tur anih thu a sawi bawk.

He hun hi V. Lalruatsangi, Women Welfare Officer, BBBP Serchhip chuan a kaihruai a, Project Management Unit Serchhip in hma a lak tawhna hrang hrangte leh an hmachhawpte ngaihthlak a ni bawk. He hun hi Pu David J. Pyhnadaolai, SDPO Serchhip leh Police Officer ten a tel pui bawk a ni.