Vawiin khan Pi Smriti Zubin Irani, Union Minister of Textile, Govt of India chuan Textile Ministry hnuaia Project leh Scheme hrang hrangte Udyog Bhavan, New Delhi-ah Video Conference hmangin hawnna a nei a. Heng Scheme a hawn zingah hian Mamit District, Aspirational District tihchangkanna tur Project, " Development of Eri Sericulture for the Upliftment of Aspirational District, Mamit" chu a hawng tel nghal a ni.

Hon'ble Ministry of Textile, Pi Smriti Zubin Irani chuan North East Region Textile Promotion Scheme hnuaiah Mamit District tana Silk Production tihhmasawnna kawnga hmalak a ni chu lawmawm a tih thu a sawi a. Tun aia nasa zawkin Silk Product-te chu design lama diversify a, a hralh chhuahna lamah pawh nasa zawka a pun a beisei thu a sawi. Pangang khawitute leh puantahtu chhungkua-te tan Development Commissioner (Handloom) hnuaiah hamthatna awm thei hrang hrangte sawiin an fate, zirlai ni mekte tan PM Kisan Yojana Scheme hnuaiah an zirna atana hmanruate man tlawm zawkin an lei theih dawn thu a sawi. Hei bakah hian Unorganised Sector-te tan Samagra Pension Scheme hnuaia pangang khawitute chu hamthatna dawng thei vek an nih thu a tarlang a. Pangang khawitute'n hlawk zawka an tharchhuah theihna turin mithiamte rawn thin turin a chah bawk.

"Eri Sericulture Development Project for the Upliftment of aspirational District" hi North Eastern Region Textile Promotion Scheme (NERTPS) fund atanga siam a ni a. He Project-ah hian Mamit District hnuaia Eri farmer mi 500 awmze nei zawka hmalakpui tur a ni a. A Project zawh fel hnu hian kumkhatah Eri Silk, Metric Tonne 17 Rs 391.00 Lakhs (Cheng Nuai zathum sawmkua pakhat) man kumtin thar chhuak tura beisei leh target a ni.

He Project atan hian Ministry of Textile, GOI chuan NERTPS hnuaiah Cheng 11.56 Crores a approved tawh a, hemi tihlawhtling tur hian Sericulture Department leh District Sericulture Office Mamit chuan nasa takin hma an la tan mek a. Vawiin pawh hian Mamit leh a chhehvela pangang khawitute tan Bazarveng Mamit-ah he Project chungchanga Awareness neih nghal a ni.

He hawnna Programme Video Conferencing hmanga huaihawt hi Mamit NIC hmunah, Mamit Bialtu MLA Pu H. Lalzirliana, Pu Vanlalngaihsaka, Mamit District Bawrhsap, Pu Lalrozama, Director of Sericulture, Dr. Lalthlamuana Pachuau, Scientist, Central Silk Board, Ministry of Textile-te leh Officer pawimawh dangte bakah Project-a beneficiaries tur te'n an hmanpui a ni.