No.6657/2020-2021 

Tipa; November ni 24: Vawiin chawhma khan Beti Bachao Beti Padhao hnuaiah hmalakna pakhat Advocacy Campaign on Women Empowerment programme chu Tipa MADC Hall-ah hman a niin,Pu Lalhmingliana,SDO(C) in programme hi a kaihruai a ni.

Pu N. Chhanchunga Officer In charge Police Station, Tipa in Domestic Violence on Women chungchang zirtirna a pein, hmeichhia hetiang kawnga hleihlenna leh harsatna tawk te chhanchhuahna dan te a tarlang.

Tipa PHC Doctor, Dr. Linda Lalbiaknungi pawhin Pre-Conception and Pre-Natal Diagnostic Techniques (Prohibition of sex selection) ( PCPNDT) Act, 2003 chungchangah zirtirna pein; PCPNDT dan in khawl hmanga nau lo piang tura,mipa nge hmeichhia lo hriat lawk a khap thu leh chutiang tih an awm chuan an chunga hremna awm thei te zirtirna a nei bawk.

Vawiin Campaign programme-ah hian SHG member te atangin an hmalak tawhna leh hmachhawpte bakah an hlawhtlinna chanchin te ngaihthlak a ni a. Zaithiam ten zaiin mipui kalkhawm te an awi reng bawk a ni.

Vawiin programme hi Tipa khawchhung a Hmeichhe pawl MChP leh MHIP hruaitute, VO leh SHG ten an chhim a ni.

Pi.K.Lalthanzuali'n lawmthu sawina in vawiin programme hi a khar ta a ni.