Vawiin chhawhnu dar 12:30 Pm khan MTP Hall,Tipa 'V' ah Krishi Vigyan Kendra (KVK) Siaha District buatsaihin Jal Shakti Abhiyan MELA-2019  for TIPA  Block hman a ni a.  Pu F. Lawmkima, EM(Forest), MADC leh Pu James Lalnithanga,BDO, Tipa RD Block te chuan Khuallian leh khualzahawm niin, he hun hi an hmanpui.

Khuallian Pu F. Lawmkima chuan thu sawiin, JSA hmalak nan a Mizoram district te zinga thlan bik kan ni hi a lawmawm hle rualin,engvanga Siaha district hi thlanchhuah bik nge kan nih, ti te hi kan ngaituah chian viau a ngaiin ka hria. Kan Ramngaw leh Lui te kan humhalh that lohzia te, Nungcha,  Thing leh Mau te chunga ngilneihna kan nei lohzia te leh Ram tihkan pawh eng vaka kan ngaih lohzia te  a ti lang hle in ka hria. Har thar nan hmang i la, he JSA scheme hian hmasawnna  leh harhchhuahna  min thlen se. Kan tui harsatna pawh hi keimahni ngei hian thapui thawh a, tanrualna nen kan beilet angai a ni, a ti. 

Sawizawm zelin, Pu Lawmtea chuan  Tipa tui harsatna chhante hi a tam zawk chu keimahni vang liau liau a thleng a ni.Chuvangin keimahni bawk hian kan thawh a, kan theihna zawn theuhah  hma kan lak ve hi kan tih makmawh a ni. Hawh u, kan khawtlang thatna turah kan vai hian ke i pen ve tawh ang u, tiin mipui kalkhawm te a sawm a ni.

 Dr.H.Vanlalhmuliana, Senior Scientist & Head,KVK Siaha Dist, in programme hi kaihruaiin, Jal Shakti Abhiyan chungchang sawi zauna a nei nghal bawk.

Pi J.Vanlalhluzuali , Scientist (Agricultural Extension) , KVK Siaha district in Power Point hmangin tui renchem dan te, tui hna humhalh dan te leh lo neitute tan ren taka thlai tui pek dan tur zirtir na a pe a.

 Farmers & Scientists interaction on Water Conservation neih chhunzawm nghal a ni.

He programme denchhen hian Drawing competition on water conservation neih niin; lawmman Certificate leh incentives cash award 1st-3rd position te tan siam a ni a. Contestant 5 te hnenah consolation prize hlan an ni bawk.

 He programme denchhen hian Siaha leh Tipa inkar khaw awm khaw Pali Amôbyu Vaithie, Amôbyu, Theiva leh Theiri khuaah te Jal Shakti Awareness Programme hman nghal a ni.

Jal Shakti Abhiyan Mela hi Siaha RD Block tan  KVK, Siaha buatsaihin Siahaah  August ni 14 khan MYA Multipurpose Hall-ah  Hon'ble Minister Dr.K.Beichhua hova neih a lo ni tawh a ni.

Vawiin JSA MELA  hi Tipa town leh a chhevel khua atangin chhimtu an tam hle a ni.

Attachment

  • Loading attachment...