No.2314/2021-2022

Aizawl, the 23rd September,2021: Vawiin khan Tipa Rural Development Block buatsaihin MADC DAO Conferences Hall-ah *National Award for Best Performing Village Organization* dawngtu *Tipa Diary-1 Village organization* te hnenah lawmman hlanna hun hman ni.

He hun hi Pi H. Lalchhandami Chief Executive Officer, Mizoram State Rural Livelihood Mission, chuan Chief Guest niin a hmanpui a, Tipa D1 VO hnenah National Award for best performing Village organisation hi a hlan nghal a ni.

He Award hlanna programme hi Tipa khaw chhunga Head of Department, NGO te, Village Council te, chanchinbumite leh Self Help Group member ten an chhim a ni. India ram pumpui a VO(Village organization) nuai 4 chuang zingah a ti tha 10 thlanchhuah an ni a, chung zingah chuan Tipa Diary-1 Village Organization hi telin, *Ministry of Rural Development in lawmpuina thuziak leh sum fai Rs 2,00,000/-* an pe a ni.

Vawiin Award hlanna programme hi Pu C.Lalruatfela, Block Mission Manager MzSRLM Tipa RD block in kaihhruaiin, Pi Lalchhandami Chief Executive Officer, Mizoram State Rural Livelihood Mission leh Pu Lalhmingliana Block Mission Director/Block Development Officer ten thusawina hun an hmang bawk.

He Award hlanna hunah hian Tipa RD Block MzSRLM hnuaia Cadres 4; Community Facilitator, Financial Inclusion Cadres, Agriculture Community Resource Person, Livelihood Community Resource Person te zinga a titha pakhat theuh thlanchhuah te hnenah lawmman hlan a ni bawk.