No.3082/2021-2022
Aizawl 22nd November 2021: Vawiin khan ICAR - Indian Institute of Horticulture Research (IIHR), Bengaluru leh ATMA, Aizawl District, Agriculture Department tangkawp chuan pangpar chingtute hnenah Gerbera pangpar tiak engemawzat an sem chhuak.

Tissue culture atanga siam chhuah Gerbera seedlings, ATMA Aizawl District semchhuahna hun hi Agriculture Director leh State Nodal Officer, ATMA Pu Rohmingthanga Colney chuan hman puiin pangpar chingtute chu tha taka ching punga, ICAR-IIHR leh department duh ang ngei a an sum lakuh tihpun nana hmang turin a chah a ni.

Dr. Samuel Lalliansanga, Deputy Director (Farm & Research) pawhin thusawiin, Gerbera chindan tlangpuite, IIHR in North East tana an programme buatsaih a Mizo pangpar chingtuten IIHR variety ngei an ching thei tur chu a lawmawm a tih thu a sawi a, Gerbera chu micro-propagation atan Tissue culture hmanga tihpun a nih dan te a sawifiah a ni.

Gerbera pangpar tiak hi Tlangnuam block, Darlawn Block leh Aibawk block hnuaia pangpar chingtute hnena sem chhuah a ni.