No.2503/2021-2022
Aizawl 6th October 2021:Tlabunga Licheng indoor hall-a cheng nuai 2 senga phah badminton carpet chu vawiin khan Corporate Social Responsibility hmanga dil chhuahsaktu Lunglei bawrhsap Pu Kulothungan A chuan a hawng.
Lunglei Bawrhsap Pu Kulothungan A chuan, Tlabunga badminton khelh thinten Corporate Social Responsibility (CSR) kaltlanga court chhuata phah tur carpet changtlung tak an nei thei chu a lawmpui tih a sawi a, Tlabung chu hmun kilkhawr zawka awm ni mah se, kawng hrang hranga hma an sawn theih nan theihtawp a chhuah zel dawn tih a sawi.
Pu Kulothungan A chuan, Tlabung leh a chhehvel mipuiten tangkai zawka an hman atan Corporate Social Responsibility hnuaiah tho ambulance lei fel tawh a nih thu leh, Tlabunga a enkawltu turte kuta hlan thuai a nih a beisei thu a sawi a, mipui rawng bawla CSR kaltlanga luangchhuak thin corporation leh company hrang hrangte chungah lawmthu a sawi a ni.
Lunglei Bawrhsapin a neitu turte hman atana a hlan tak, Uttar Pradesh atanga lei carpet phah nan hian cheng nuai 1 leh sing 9 chuang sen a ni a, hemi atana sum mamawh hi Lunglei bawrhsap Pu Kulothungan A ngenna tihlawhtlingin SRK Construction chuan Corporate Social Responsibility kaltlangin an tum a ni.
Attachment
- Loading attachment...
