Nimin leh vawiin khan Kulikawn YMA Hall-ah Tlangnuam ICDS Project buatsaihin SABLA SCHEME (Tleirawl kum 11 - 18 te tana scheme thar) hnuaiah tleirawl thlanchhuah bik 400 chuang zet te tan ‘ Sakhi & Saheli’ Training buatsaih a ni.

Tleirawl kaihruaitu tur ‘Sakhi’ (Leader) leh anmahni puitu ‘Saheli’ (Helper) te hian an veng/khua theuhah tleirawl 25 zel awmna group hrang hrang kaihhruaina hna an thawk dawn a ni. Training hi Tlangnuam CDPO Pi B. Thangseii chuan a kaihruaia, mithiam bik leh Circle Officer ten an zirtir a ni.

Tlangnuam ICDS Project hnuaiah hian Anganwadi Centre 73 a awm a, khua/veng 34 awmin, Tleirawl Group (‘Kishiri Samooh’) hi 141 a awm bawk a ni.