179/2022-2023
Aizawl, 18th April, 2022 : Mizoram pum huapa Block hrang hranga Health Mela neih mekah vawiin khan Tlangnuam Block Level Health Mela chu Sihhphir Multipurpose Hall ah Mizoram M.P(Lok Sabha) Pu C.Lalrosanga’n a hawng.

Health Mela hawn inkhawm hi Sihphir VCP Pu Lalropuia Pachuau-in a kaihruai a.Khuallian Pu C.Lalrosanga chuan thu sawiin sawrkar laipuiin hriselna chungchang mipui a tam thei ang berin an chhawr theih tura ruahmanna a siam hi mi tinin zawm a, Health & Welness Centre awm te hman tangkai ni se, a ti a. Natna tam tak chu a punlun hma a hmuh chhuah vat a nih chuan phai dawmdawi in pan ngai lo leh na hrehawm lutuk tuar lova enkawl dam theih a nih avangin damdawi thiam te pan thuai a pawimawh tih sawiin Pu Rosanga chuan natna neite chu inentir vat thin turin a chah a ni.

Dr.Lalhlunpuii, SMO Aizawl East-in Health Mela buatsaih a nih chhan tarlangin keynote address a pe a. Sawrkar laipui programme, Ayushman Bharat, India independence kum 75 lawmna kal zelah hriselna lama mipui kan thanharh pawimawh zia te, a hma thei ang bera inentir nachang hriat te, Health & Wellness Centre chu natna chi hrang hrang hmuhchhuah nan a tangkai nate, AB-PMJAY card siam pawimawh nate a sawi a. Dr. Hmingthanmawii, CMO, Aizawl East-in vote of thanks sawiin he Health Mela hlawhtlinna tura Sihhphir khawtlang hruaitu VC, YMA leh MHIP te inpekna leh mipui te tanrualna ah lawmthu a sawi a. A thlawna damlo hnena sema tur dawmdawi leh sumfai thahnme tak tumtu Chemist & Druggist Association te chungah te, ICDS leh School Education Department te bakah damlo te entu Doctor rualte chungah pawh lawmthu a sawi a ni.

Health Mela buatsaih nan hian Chief Minister Pu Zoramthanga, bialtu MLA chuan sum nuai 1 a thawh a. Stall 17 siam niin inentirna bakah Health Unique ID, AB-PMJAY enrollment, Yoga & Meditation, ICDS, MSACS, Covid Vaccine pekna hmun te siam a ni.