961/2026-2027

Aizawl, the 11th June, 2026 : Tlangnuam RD Block buatsaihin vawiin khan Senhri Hall, BDO Office-ah Viksit Bharat - Guarantee for Rozgar and Ajeevika Mission (Gramin) Act, 2025 (VB-G RAM G Act) chungchang zir hona, "Block Level Orientation Programme on VB-G RAM G" neih a ni.

He hun hi Pu Robert Vanlalnghaka, APO chuan kaihruaiin, Dr. Lalchamliani, BDO Tlangnuamin zir hona hun hi a hawng a. He hunah hian Tlangnuam RD Block-a thawktu ten VB-G RAM G Act kalpui tur atana pawimawh chi hrang hrangte chu Tlangnuam RD Block huam chhung khaw 13 atanga tel Village Employment Council Member-te an zirtir a ni.

MGNREGA thlakna tur Viksit Bharat Guarantee for Rozgar and Ajeevika Mission (VB-G RAM G) chu July ni 1, 2026 atangin ram pumah hman tan tur a ni a. MGNREGA hnuaia ni 100 inhlawh thin chu tipungin ni 125 a inhlawh theih tawh dawn a. Mipui inhlawhna za zela za (100%) Sawrkar laipuiin a tum thin chu VB-G-RAM-G hnuaiah chuan Central leh State tum tur hi NE/Special Category State-ah 90:10 ratio a ni tawh dawn a, Mizoram sawrkar chuan 10% in a do let ve tawh dawn a ni.