2565/2022-2023

Aizawl the 7th November 2022 : Vawiin ni 7 Nov., 2022 chawhnu dar 2:00 PM khan Pu R. Hmingthanzuala, Director, Art & Culture Department chuan Tlangnuam Vengthar YMA Library a hawng.

Pu R. Hmingthanzuala, Director, Art & Culture Department chuan, "Lehkhabu tha ngaihhlutna hian khawtlang a ti zahawm a, a ti fing thin, mitinin lehkhabu tha chhiar tur an hmuh theihna tura Public Library kan neih belh zel hi ram hmasawnnain a ken a ni," a ti.

Tlangnuam Vengthar Branch YMA Library hi Raja Ram Mohan Roy Library Foundation Building Grant Rs. 6 lakhs an dawn atanga sak a ni a, kum 2019 khan sak tan niin Covid19 hrileng avangin hun engemawti chhung a sak hna an khaih lak hnu-ah vawiin hian hawn a ni ta a ni. 

He hunah hian Pi Zirsangzuali, Librarian, Mizoram State Library bakah Mizoram Library Association hruaituten thu an sawi a, Tlangnuam Vengthar huamchhunga NGO hrang hrang hruaituten an tel pui bawk a ni.