No.2039/2021-2022

Aizawl, the 28th August, 2021: Champhai District Tlangsam khua-ah kaina chin hriat loh Covid-19 hri kai hmuh chhuah an nih avangin, Mizoram Sawrkar Health & Family Welfare Department-in June 6, 2020-a 'Containment & Surveillance Plan on Covid-19 for Mizoram' a tih chhuah, para 4 tlawhchhanin helai bawr hi hri inkaidarh zel theihna hmun ralti, mumal leh chak taka hnuchhui hna (contact tracing) kalpui ngaihna hmun ni a hriat a ni.

Covid-19 hri leng darh zel tur chak zawka khuahkhirh a nih theih nan Pi Maria C.T Zuali chuan 'The Mizoram Epidemic Diseases (COVID-19) Regulations, 2020' Section 11 in thuneihna a pek tlawhchhanin Taitesena Section, Tlangsam chu hmun khuahkhirh bik (restricted area) ah vawiin chawhnu khan a puang.

Hmun khuahkhirh bik chhungah hian  Magistrate, Medical Duty leh VLTF duty-te phalna lovin tu mah luh leh chhuah phal a ni lo a. He inkhuahkhirhna hian Executive Magistrate, Police, Health & Family Welfare, Fire & Emergency lama hnathawktute leh District Magistrate-in a bik taka phalna a pekte erawh a huam lo ang.

Thupek bawhchhia man an awm a nih chuan 'The Mizoram Epidemic Diseases
(Covid-19) Regulations 2020' Section 13 leh Indian Penal Code (IPC) Section 188 hmanga hrem theih an ni ang.

Hei hian thupek chhuah a nih atanga hnu chhuina (contact tracing) kalpui ngaih hun
chhung a huam ang a, a tul anga pawhsei theih a ni ang.