Central sorkar SAGY(Saansad Adarsh Gram Yojana) Programme hnuaia model village Tlungvel khaw tana SAGY kalpui dan tur chungchang ah vawiin khan sorkar department pawimawh te lehTlungvel khawtlang hruaitute chu Aizawl District Bawrhsap Pu Kannan Gopinathan hovin Bawrhsap Pisapui conference hall-ah an thu khawm a. SAGY thil tum leh India ram hmun danga model village hlawhtling te dinhmun thlir hovin Tlungvel khaw tana hmalakna tur pawimawh te sawi ho a ni.

SAGY hi India ram thingtlang khaw hrang hranga cheng ten mihring khawsakna chawikang tura mamawh zualpui, tui leh eng tha te, hriselna leh zirna tha te, eizawnna tha te, khawpuia chengte anga an neih ve theihna tura sorkar laipui Programme niin kum 2014 October ni 11 atanga kalpui tan a ni a. Mizoram ah pawh a hmasa ber atan Khawlailungah hlawhtling taka kalpui a lo ni tawh a. Tunah hian Tlungvel ah kalpui leh turin August ni 3 khian Tlungvelah Orientation programme neih hmasak tur leh August ni 31 ah Baseline survey neih turin vawiina Aizawl district Bawrhsap hova thukhawm chuan an rel a. Heng atang hian a khaw mipuite mamawh mila Tlungvel khua chu model village hlawhtling taka siam tura sorkar department te leh khawtlang mipui te tha leh zung her rem dan tur ruahmanna siam a ni dawn a ni.