Citizenship Amendment Bill (CAB) vanga MZP in total bandh huaihawt an tum chungchangah vawiin khan Mizoram sawrkar aiawhin Chief Secretary Pu Lalnunmawia Chuaungo leh Mizoram Zirlai Pawl (MZP) hruaitute chu  CS Conference Hall-ah an inkawm.

CAB duhloh lantirna atana naktuk (10.12.2019) a total bandh MZP in huaihawt an tum chungchangah Mizoram chu CAB exempted area ah a tel dawn avang te, State Games neih lai mek a nih avangtein leh Aizawl pawn atanga Krismas chak lam tura kalkhawm hunlai te a nih avangin bandh hi kal tlang puilo turin Mizoram Sawrkar chuan a ngen a. Nagaland ah pawh Hornbill Festival neih lai a nih avangin bandh kalpui a nih takloh thu CS chuan a sawi a. Amaherawhchu MZP in bandh kalpui an tum tlang a ni.

Hemi chungchangah hian Mizoram sawrkar chuan mipui tana harsatna a thlen theih turah erawh pawi a ti tak zet a ni.