Vawiin khan Lawngtlai District Disaster Management Authority (DDMA) chu an Chairman, Lawngtlai Bawrhsap Pi Shashanka Ala, IAS hovin Lawngtlai DC Conference Hall-ah an thu khawm.

Lawngtlai Bawrhsap Pi Shashanka Ala chuan Lawngtlai District chu khuarel chhiatna thleng hlauhthawnawmna hmuna awm a nih avangin chhiatna thleng mai thei lo hriat lawk a, fimkhur taka a hmachhawn dan lo zir chu a pawimawh hle a ni, a ti a. Chhiatna a lo thlen thulh pawha hma lak dan tur ruahmanna fel tak neih a tul a ni, a ti.

He hunah hian khuarel chhiatna laka inven dan tur leh hma lak dan tur hrang hrang sawi ho a ni a. LADC leh CADC chu an huam chhunga khuarel chhiatna thlen duhna hmun bikte chhinchhiah a, disaster map siam tura tih niin, District Disaster Management Plan bakah, LADC leh CADC-in a hrangin Disaster Management Plan siam ve se, tih a ni a. Khuarel chhiatna laka inven dan tur chungchangah hian nakkum January thlaah LADC leh CADC-ah training programme leh mock drill buatsaih tura rel a ni bawk.