District Advisory Committee on School Safety in a lo rel tawh angin vawiin hian DC Conference Hall Serchhipah Training of Teachers on School Safety neih a ni a, District Bawrhsap Pi Sangchhin Chinzah chuan he training hi a hawng.

Bawrhsap chuan zirtirtute chu hna pawimawh tak thawk an ni tih in hre thar turin a chah a, nitina naupang enkawltu an nih avangin chhiatna thlen palh thilah phei chuan an pawimawh lehzual a ni, a ti a, training chu tangkai taka hmang turin a chah a ni.

Pi Vanlalduhi Ralte, District Organiser chuan Concept of School Safety and School Disaster Management Plan chungchang a zirtir a, School tinte chu School Disaster Management Plan nei theuh turin a chah a. Fire Safety in Schools chungchangah Fire Department ten zirtirna pe in, Search And Rescue Technique an zirtir nghal bawk a ni. Chhiatna a lo thlen palha naupangte hriata sawi tur leh sawi loh turte, an rilruah a thalo zawnga nghawng a awm theih dante leh a enkawl dan turte bakah hliam tuar an awm palha enkawlna pek dan tur chungchangte zirtir an ni bawk a ni

He hun hi Pu Chuauhnuna, Addl. DC chuan a kaihruai a. Serchhip Town Area huam chhunga zirna in hrang hrang, Elelmentary atanga Higher Secondary School aiawh zirtirtu an kal tha hle a ni.