No.1879/2020-2021
Dated Serchhip, the 10th June, 2020: Dr. Lalzirmawia chhangte, IAS, Deputy Commissioner, Serchhip District chuan a hnuai a mi ang hian ruahmanna a siam.
Mizoram Sorkar chuan 09.06.2020 atanga 22.6.2020 thleng Total Lockdown neih tur tih order chu No. B. 13021/101/2020-DMR/Pt-III dt.08.06.2020 hmangin a tichhuak a. He Lockdown inkaihhruaina chu Deputy Commissioner, Serchhipin No.C.11011/2/2020-DC(SRCP)/Pt dt. 09.06.2020 hmangin a tichhuak ve leh a. He Total Lockdown hi Serchhip District-ah chuan Serchhip Town Area leh Thenzawl khuaah te zawm ve tur a ni ang. Total Lockdown chungchanga mipui nawlpui leh Village Level Task Force(VLTF) te tihtur leh zawmtur te chu a hnuaia tarlan ang hi a ni a, mi zawng zawngin zawm vek turin kan in hriattir a ni e.
1. Serchhip District mi leh sa, Lockdown avanga State pawna tangkhang lo haw turte chu Deputy Commissioner, Serchhip hnenah in report vek tur a ni.
2. Serchhip Town Area leh Thenzawl atanga bungraw thiar chhuak emaw la lut tur ten Deputy Commissioner emaw SDO(Civil) Thenzawl hnen atangin phalna an la tur a ni a, Essential Commodities phur tur tan erawh phalna hranpa a ngai lovang.
3. Serchhip Town Area leh Thenzawlah nitin mawmawh ( Essential Commodities) zawrhna dawr, eichawp dawr (Whole Sale leh Retail), veng tina dawrte, Supply Retailer (Fair price Shop), mihring leh ran damdawi dawr leh Clinic, thlai chi leh leitha zawrhna, kut hnathawktu te hmanraw zawrhna, ranchaw zawrhna leh bungraw phur mawmawh oil leh Spare parts zawrhna dawrte chu VLTF te ruahmanna siam ang in hawn theih a ni ang.
4. Mimal eizawnna hna ( cottage & Home based industrial units) heng puanthui, puantah, carpentry, frabrication, bakery leh a dangte chu phalna hranpa lak ngai lovin kalpui theih a ni. Hnathawktu ten Social distancing dan zawm chungin hna an thawk tur a ni a, hnathawhna hmunah te hian mi 5 (panga) aia tam awmkhawm phal a ni lo.
5. Mipuiin awlsam zawka sa, thlai leh chawhmeh an hmuh theih nan veng hrang hrangah VLTF ten ruahmanna an siam ang.
6. Inneih inkhawm leh mithi vuinaah mi 35 aia tam punkhawm khap a ni. Hei hi kohhran leh khawtlang hruaituten khuah taka kalpui tura beisei a ni.
7. Serchhip Town Area leh Thenzawl atanga luh leh chhuah (zin veivah) khap a ni. Tul bik thil leh emergency a veivah ngaite chuan VLTF te kaltlangin Deputy Commissioner/SDO(Civil) phalna lak tur a ni.
8. District pawna veivah ngaite tan mCOVID-19 mobile application-ah mPASS hmangin dilna siam tur a ni a, he dilna hi VLTF ten an hriatpui ngei tur a ni.
9. Serchhip Town Area leh Thenzawlah tumahin mahni in leh compound an chhuahsan tur a ni lova. Lirthei hmanga mipui chetvel pawh khap tlat a ni. Commercial Vehicles (Maxicap, Taxi, Auto Rickshaw, Pickup etc.) te pawh tlanchhuah phal a ni lo. Hei hian a hnuaia tarlan te hi a huam lovang :
1) Magistrate, police leh excise duty te
2) Government leh Community Quarantine/Isolation Facility a thawkte leh chaw leh tui petute.
3) COVID-19 kaihhnawih thila duty tura a bika ruatte
4) Medical leh Veterinary emergency duty leh Hospital (Sawrkar leh Private)a thawkte
5) PHE, P&E leh PWD a thawktute duty neite
6) Hminghmerh-a duty tur a ruat (detailment order nei) sawrkar hnathawkte
7) Bank, insurance,ATM,Postal,Telecom Service provider hnathawkte
8) Essencial Commodities phura veivakte
9) VLTF duty-te
10) Print & Electronic media, Cable leh Internet services a thawkte
11) Kohhran hminga motor register-te
12) Bawnghnute sem
13) Bawlhhlawh paih
14) Petrol pump leh LPG delivery-a thawk tute
15) Courier, home delivery leh e-commerce service-te
16) Private security service-te
17) DC/SDO(C)in phalna a pekte
10. VTF te mahni veng theuhva duty tur a ni a, tul bik thilah chuan movement permit pawh pek tur a ni. VLTF te hi vawikhatah mi 5 aia tam duty tur a ni lova, duty-na hmunah social distancing kenkawh tur a ni. Kum 60 aia upa te duty loh bawk tur a ni.
11. Feh leh ram kal turte tan movement permit neih tur a ni a, zingkara chhuak tur chuan a hma niin VLTF atangin permit lo lak lawk tur a ni. Mahni lirthei emaw midang lirthei emaw a feh tur chuan permit an dil rualin /vehicle registration number leh driver hming an hre lawk tur a ni a, permitah hian ziahlan tur a ni.
12. Chhiatrupna thlen hlauhawm avanga insak chhunzawm leh hnathawh chhunzawm ngai te chu VLTF te hriatpuina leh remtihna in hna chhunzawm theih a ni ang a. Hnathawktuten social distancing dan zawm chungin hna an thawk tur a ni a, vawikhawtah mi 5 aia tam hnathawktu awmphal a ni lo.
13. Serchhip Town Area leh Thenzawla wholesale leh Retail dawr, vengchhung dawrte te tiamin an dawrah essential commodities rate an tarlang vek tur a ni. Purun, Alu, Dal, Artui, buhfai,Chini, Tel, Chi, Bawnghnute leh adangte man te hi an tarchhuak vek tur a ni. MRP aia to in thil zawrh phal a ni lo.
