No.2853/2020-2020

Vawiin khan Tourism Department chuan Commissioner & Secretary Pi Esther Lalruatkimi hovin Lengpui Airport Road-ah Lengpui Model Branch YMA te nen 'Beautification Drive' an nei a. Vawiin hnatlangah hian Tourism Department officer leh staff thahnem tak an thawkchhuak a ni.

'Beautification Drive' hawnna inkhawm chu Tourism Department Director Pu V Lalengmawia'n kaihruaiin inhmelhriattirna a nei a, Lengpui khua chu Mizoram kawtchhuah a nih avangin faina kawngah mawhphurhna sang tak an nei tih a sawi. Tourism Department Commissioner & Secretary Pi Esther Lalruatkimi pawhin thu sawiin Lengpui khua chu thianghlimna kawngah mawhphurhna sang tak an neih thu leh fai taka an khua chu vawng turin a chah a. Mizoram kawtchhuah a nih avangin a pawimawh lehzual hle a ni, a ti. Mizoram Tourism tihlar zelna (promote) tura mipuite pawimawhzia a sawi bawk a, hemi kawngah hian Lengpui khua khawtlang hruaitute chu thawhpui nuam a tih thu a sawi bawk.

Airport kawngah hian Saron engemawzat phunin hung nghal vek a ni a. Kum hmasa lama an phunte pawh an tifai in an cheitha bawk a ni.