No.2199/2021-2022

Aizawl, the 13th September 2021 : North East Tourism Ministers Conference ni 13-14 Sept 2021 a Guwahati a neih ah Mizoram Tourism Minister chu a tel a.He North East Tourism Ministers Conference hi G Kishan Reddy, Union Minister for Tourism, Culture & DoNER in a ho a. Ajay Bhatt, Union Minister of State for Tourism & Defence, Arjun Ram Meghwal, Union Minister of State for Culture & Parliamentary Affairs te pawh an tel bawk.

He hunah hian Assam Chief Minister Himanta Biswa Sarma bakah NE State 8 a Tourism Minister te an tel hlawm a ni.

Pu Robert Romawia chuan he Conference ah hian thusawiin Mizoram mamawh hrang hrang te a thlen a. Chung zingah chuan State Institute of Hotel Management a tak a kal vat theih nan hma la chak turin a ngen in, PRASAD Scheme hnuaia sanction la hmuh loh te sawi langin, Union Tourism Minister Mizoram tan PRASAD chu Mizoram Tourism Minister a bawhzui tawh angin sanction anih tawh thu *Meeting naah a puang" a, Sanction Order pawh in hmu thuai ang tiin a sawi bawk.Tin,10% Gross Budgetary Support chungchang te, PIDDC scheme tawp ta avanga hnathawh chhunzawm theihloh thawh chhunzawm chungchang te, Skill Development chungchang te, Ropeway Project rei tak thuanawm tawh Swadesh Darshan Scheme hnuaia mi te, NESIDS guidelines siam that a ngaih thu leh North East State te chu central India te nen a buklung pakhat (yardstick) khat a khaikhin fo lo turin leh North East State chu abika ngaihhnathiam tur tein Union Tourism Minister leh DoNER Minister nibawk chu a ngen a ni.

Tourism Ministry,DoNER Ministry leh NEC ten project tha tak tak Mizoram alo pek tawh thin te avangin lawmthu a sawi bawk.

He hunah hian Union Tourism & DoNER Minister GK Reddy bakah Assam CM Himanta Biswa Sharma te,Ajay Bhatt Union MoS leh AR Meghwal Union MOS ten thu an sawi a ni.

Pu Robert Romawia Royte, Tourism Minister hi Pu V Lalengmawia, Director, Tourism Department bakah Official leh Tourism Service Providers thenkhat ten an tawiawm a ni.