173/2022-2023

Aizawl, the 16 April, 2022 : Tukin zing khan Tourism Minister Pu Robert Romawia Royte chuan a bial fan programme tanin a hmasa ber atan Chite Veng a tlawh. Aizawl East-II bialtu MLA & Minister chuan Chite Convention Centre sakna tur hmun a tlawh.

Assistance to Central PSU for Tourism Infrastructure Development Scheme atanga Chite Venga Convention Centre sak tur hi Central PSU WAPCOS mawhphurhnaa dah a ni a. WAPCOS hnenah hian Ministry of Tourism chuan 1st Instalment Rs 1500 Lakh chuang a release tawh a. WAPCOS pawhin E-Tender chhuahin Contractor turin MP Khaitan Company, New Delhi an thlang tawh a ni. He project atan hian taxes nen chuan Rs 4000 lakh chuang sen tura ruahman a ni. Implementing Agency tura ruat Central PSU WAPCOS Engineer te sawi danin hna hi tan nghal mai tum a ni. Tourism Minister Pu Robert Romawia Royte-in a sawm angin Union Tourism & DoNER Minister leh Mizoram Chief Minister ten a joint-in hun rei loteah a sak tanna tur lungphum an phum dawn a ni.

Aizawl East-II bialtu leh Sport Minister Pu Robert Romawia Royte chuan Central Assistance to States for Capital Expenditure (CASCE) hnuaia Chite Veng chung Road Rs 50 lakh senga hnathawhna tur pawh Chite Veng khawtlang hruaitute nen an tlawh bawk.

Chite Veng Inpuiah Chite Veng khawtlang hruaitute leh NGOs hruaitu hrang hrangte nen inkawm hona neih ah Minister Pu Robert Romawia Royte chuan Chite Veng NGOs te mamawh leh hmachhawpte sawi langin, theihtawpa tan a lakpui tur thu a sawi. Bialtu Minister chuan Chite Primary leh Middle School-ah room-a lenglo khawp zirlai an awm chu lawmawm tiin Room cheithatna tur sum a ngaihtuahpui vat tur thu a sawi a. Chite Veng Field phullem phahna tur pawh Aizawl Smart City-in an Tender tawh tih sawiin hna tan thuai tura beisei a ni a ti bawk.

He programme-a tel ve Pu K.Laldawngliana, Tuirial bialtu MLA pawhin thu sawiin, Mizoram sawrkar leh Aizawl East-II in a ngaihna hria, mi chak, ram leh bial tana Mizoram Budget pawn lam atanga sum tam tak Central sorkar atanga sum hailuttu Minister leh MLA Pu Robert Romawia Royte kan nei hi a lawmawm tak zet a ni a ti a, Aizawl E-II mipuite vannei a tih thu a sawi lang bawk.

Tourism Director Pu V.Lalengmawia pawhin Chite Venga Convention Centre leh Aizawl Haat sak dan tur kal hmang tlangpui a sawi a, Chite Veng khawtlang an vanneihzia leh hmasawnna hnathawktute tha taka lo thawhpui turin a sawm a ni.

Tourism Minister Pu Robert Romawia Royte bial fang hi Pu K.Laldawngliana, Tuirial bialtu MLA, Pu V.Lalengmawia, Tourism Director, Er. Lalthangvela, EE, Aizawl Road North, PWD, contractor MP Khaitan Engineer in-charge Malay Bera bakah official pawimawh dangten an tawiawm a ni.

Attachment

  • Loading attachment...