Vawiin zing khan Tourism Minister Pu John Rotluangliana Delhi cham mek chuan Central Sawrkara Tourism Minister Pu KJ Alphons hmuin, Mizorama Swadesh Darshan Project pathumna tur a sawipui. Union Minister chuan Mizoram  Tourism Department atanga proposal thawn North East Circuit at Mizoram including Serlui B- Kolasib- Baktawng- Sialsuk-Champhai-Lunglei chu tha a tiin, he project concept presentation hi June 8, 2018 (Friday) a neih turin a ti a. He project hi sanction a nih chuan Tourism lamah hmasawnna tam tak Mizoramin a neih theih beisei a ni.

Vawiin chawhnu khan Ravikant, Secretary, Consumer Affairs, Food & Public Distribution, Government of India pawh a office-ah hmuin, kudam (wire housing) sakna tur DPR chu lo ena, sanction tura hma a lo lak tur thu sawiin, Buhfai supply indaih lohna Tide Over chu tun dinhmun-ah har deuh mah se, Open Market Sales Scheme (OMSS) dil ang ang a lo ngaihtuah tur thu a sawi. Sairang-a FCI kudam pawh construction tan turin hma lak tur thu a lo sawi bawk a ni.