Vawiin khan ATI Conference Hall, Aizawl-ah Pu Vanlalmawia, Joint Secretary, UD&PA kaihhruaina in Mizoram State Sanitation Task Force Meeting neih a ni.
UD&PA enkawl leh kaihhruaina, NEDP hmalakna ni bawk Mizoram State fai bera chherchhuah tumna Action Plan 2018 - 19 meeting kaihruaitu Pu Vanlalmawia chuan Mizoram fai tura beihnaah hian sawrkar chuan theihtawpin a ngaihtuah bakah mamawh a theih ang anga te a ngaihtuah a, a hlawhtlinna tak tak chu mipuite leh mimalah a innghat a ni a ti a. District pariat chhunga khaw lian hrang hrangah inthiarna tha tui hmanna dah tum leh dah tawh anih thu a sawi.
Faina lama mipui ten tan an lak theih nan bawlhhlawh bawm khaw 23 ah sem mek a ni a. ‘Cleanest City leh Cleanest Town’ thlang turin inelna siam tum niin chuta tan chuan sum pawh meeting chuan hetiang hian a ruahman a ni -
Overall Cleanest City/Town - Rs. 35 lakhs
Awareness Campaign - Rs. 25 lakhs
Capacity building - Rs. 40 lakhs
Bawlhhlawh thenfai kawngah pawh Dry (Tawih theilo) leh Waste (Tawih thei) thlairin tawihthei te lei tha atana hman tangkai a sawngbawl dan inzirtir dan tur sawiho a ni.
Meeting ah hian Mizoram Sanitation Task Force - Action Plan 2018 - 19 member, Department hrang hrang amite an tel tha hle a ni.
