Tourism Minister Pu Robert Romawia Royte chuan tukin khan Lawngtlai Tourist Lodge tlawhin, an dinhmun a enfiah.

Minister hi Tourism Director Pu Saitluanga leh official dangte'n tawiawmin, Lawngtlai Tourist Lodge-a thawktute'n an lo dawngsawng a, Lawngtlai Tourist Lodge dinhmun lo hrilhin, an mamawhte a hnenah hian an lo thlen a ni.

Lawngtlai Tourist Lodge-ah hian room 14 awmin, chung lam room-a fur laia tui lut thei thawm that a tul thu leh mikhual lirthei hunna tur kawt zawla dawh zau belh a ngaih thu te sawi lan a ni a. Minister chuan Mizorama tourist lodge-te thawm tha tura hma lak mek a nih thu sawiin, Mizorama hotel leh restaurant-te thianghlim, hrisel leh dawr chakawm tak vek an nih theih nana khuahkhirh turin Tourism department hnuaia dah a, vil zui an nih dawn thu a sawi bawk.