Tourism Minister Pu S.Hiato, Saiha-a cham mek chuan nimin khan Phura tlangdung tlawhin Lawngmasu khuaah a riak a, khawtinah mipuiten ropui takin an lo hmuak zel a ni.
Mipuite hmaah thu sawiin Minister chuan sawrkar laipuiin ramdangte nena insumdawn tawnna tur Kaladan Multi-Modal Project puitham taka a buaipui mek chu a rang thei ang bera tihhlawhtlin a nih theih nan Mizoram sawrkar chuan chak takin a bawhzui reng a ni a ti a, helai mite tana malsawmna ropui tak tur a nih hre rengin bungrua/thlai, etc. tam tham taka hralhchhuah tur an lo neih theih nan lo inbuatsaih lawk turin a fuih. He Programme hmang hian Mau hmanga thil siamchhuahna (Bamboo Based Industry) pawh uar taka kalpui a nih tur thute a sawifiah bawk.
Minister chuan PMGSY hmanga kawngpui siamdante a enfiah bawk a, mi harsa leh kut hnathawktute chawikan nana sawrkarin NLUP a kalpui mek chu a tihlawhtlingtu ni tura tan lo la a fimkhur taka trade pawh lo thlang turin a chah bawk.
Minister hian tukin khan Lawngmasu-a Tourist Lodge sakna tur hmun a tlawh a, lawngah chuangin Kaladan luia Myanmar ram rite a tlawh bawk a. Palak Dil pawh tlawhin Phura-a Tourist Lodge sakna tur hmunte a enfiah bawk.
Minister hi zaninah Phura-ah a riak ang a, naktukah Vahai, Laki, Khopai leh Zawngling khuate tlawhin Tuipang-ah a riak leh anga, Inrinni ah Saiha-ah a let leh dawn a ni.
Minister hi Saiha DC Pu Kunal, IAs, Pu Vabeiha Hlychho, Director, Tourism Deptt. bakah Aizawl, Lunglei leh Saiha atangin official dangten an tawiawm a ni.
Minister chuan PMGSY hmanga kawngpui siamdante a enfiah bawk a, mi harsa leh kut hnathawktute chawikan nana sawrkarin NLUP a kalpui mek chu a tihlawhtlingtu ni tura tan lo la a fimkhur taka trade pawh lo thlang turin a chah bawk.
Minister hian tukin khan Lawngmasu-a Tourist Lodge sakna tur hmun a tlawh a, lawngah chuangin Kaladan luia Myanmar ram rite a tlawh bawk a. Palak Dil pawh tlawhin Phura-a Tourist Lodge sakna tur hmunte a enfiah bawk.
Minister hi zaninah Phura-ah a riak ang a, naktukah Vahai, Laki, Khopai leh Zawngling khuate tlawhin Tuipang-ah a riak leh anga, Inrinni ah Saiha-ah a let leh dawn a ni.
Minister hi Saiha DC Pu Kunal, IAs, Pu Vabeiha Hlychho, Director, Tourism Deptt. bakah Aizawl, Lunglei leh Saiha atangin official dangten an tawiawm a ni.
