Nihnih awh tur Workshop on Disaster Risk Reduction chu vawiin chawhma khan I & PR Auditorium-ah chhunzawm a ni a, vawiin chawhma hunah hian Pu K.M. Singh, Member, National Disaster Management Authority (NDMA) chuan chhiatrupna thleng thulhah hmalak dan tlangpui leh lo inven lawk theih chin ang apianga hmachhawp neih dan te a sawi a. Hetiang chhiatrupna tih hian boruak, khawmual leh tuipuia chhiatna thleng thei zawng zawng a huam thu tarlangin India rampumah hetiang hmachhawn tura hmalak chu ralpui phiara phiar a ni tiin rikrum thila chet la tu tur National Disaster Response Force chu rampumah Battalion 8 din a ni tawh a ti a. Battalion khatah hian team 18 zel awmin team khat hian mi 45 zel a nei a. Chung zingah chuan Doctor te, Engineer te, Police leh Rikrum thila chhanchhuah hna thawk thiam bik te an awm a ni a ti. Hmarchhak state tan hian Battalion khat chu Guwahati-ah dah niin hengte hi rikrum thila rang taka chhiatna thlenna hmun tlan thleng vat tura thuam vek an nih thu leh hmanraw changkang ber bera thuam an ni a ti. Hetiang chhiatna rapthlak a thlen thulhah hian National Disaster Response Force te chu a tul ang apianga pui turin Police leh Para Military Force te, Tlawmngai pawl leh thuthar thehdarhtute an tangkai hle thin tiin Pu K.M. Singh chuan chhiatna thlenna hmuna mi te chu che hmasa ber tur leh thu than darhtu hmasa ber an nih avangin an pawimawh a, zirtirna leh kaihhruaina tha tak an dawn a tul hle a ni a ti. State tinin State Disaster Response Force din vek turin sorkar laipui chuan a beisei, Pu K.M. Singh chuan a ti bawk.
Vawiin workshop-ah hian Mizoram Police DGP Pu Lalrokhuma Pachuau pawhin Mizoram Police ten rikrum thila chet an lak dan tlangpui a tarlang a. Tun aia tha a hmanraw changkang ber bera thuam an tul dan te sawiin chhiattawh thulha Mizoram Police-te pun vat an nih theih dante a sawi a. Mizoram Police chuan June 16 atang hian website hawngin hengah hian thil tul leh hriat tur zau taka tarlan a ni ang a, a duh tan he website hi tlawh theih reng a ni ang a ti.
Vawiin workshop-ah hian thuthar thehdarhtu hrang hrangte pawimawhna leh hetiang chhiatrupna thlen nikhuaa an chetlak dan tlangpui chu I & PR Jt. Director Pi Lalnithangi’n a tarlang a. Chhiattawhna hmuna aurinna hmanga mipui khuahkhirhte chu thil tangkai tak a nih thu leh media hrang hrangte hmalak dan I & PR deptt. in a thlithlai reng dante a sawi. MJA President Pu K. Sapdanga pawhin mipui zirtir leh hriattur thil pawimawh thehdarh nan sum tam tawk ruahman a tul thu sawiin tun dinhmunah erawh hi chuan hetiang chhiatrupna thlen ni ah te hian media te hi duhthusama hman tangkai an la ni lo ni a a ngaih thu a sawichhuak.
Vawiin workshop-ah hian thuthar thehdarhtu hrang hrangte pawimawhna leh hetiang chhiatrupna thlen nikhuaa an chetlak dan tlangpui chu I & PR Jt. Director Pi Lalnithangi’n a tarlang a. Chhiattawhna hmuna aurinna hmanga mipui khuahkhirhte chu thil tangkai tak a nih thu leh media hrang hrangte hmalak dan I & PR deptt. in a thlithlai reng dante a sawi. MJA President Pu K. Sapdanga pawhin mipui zirtir leh hriattur thil pawimawh thehdarh nan sum tam tawk ruahman a tul thu sawiin tun dinhmunah erawh hi chuan hetiang chhiatrupna thlen ni ah te hian media te hi duhthusama hman tangkai an la ni lo ni a a ngaih thu a sawichhuak.
