3362/2022-2023

Aizawl, 25th January, 2023 : Vawiin chhun khan Pu Robert Romawia Royte, Tourism Minister-in Hmuifang Tourist Resort Conference Hall-ah Govt. Aizawl College Pilot Survey of Adopted Village & School bul tanna inkhawm Khuallian niin a hmanpui.

Pu Robert Romawia chuan National Tourism Day a nih angin kalkhawm zawng zawngte National Tourism Day chibai a buk a. Khawvel ram changkang leh zirna in tha ten an lo tih thin anga GAC-in Hmuifang khawtlang tana extended service an nei chu tha a tihpuiin fakawm a tih thu a sawi a. Adopted Village Hmuifang khua leh GAC te chuan an MoU ziah anga tihlawhtlingtu ni ve ve turin a duhsakna a hlan a ni.

Pu Robert Romawia chuan College zirtirtute leh zirlai rual kalkhawmte chu ruihhlo dona kawngah thahnemngai taka ?an la turin a sawm a. Tourism Minister a nih angin Mizoram chhung leh ram pawn atanga khualzin mite lo lawm a, lo tawiawm thiam turin a ngen bawk a. Chite Venga Aizawl Convention Centre changtlung tak te, Aizawl Haat lian tham tak leh Khamrang khuaah Village Based Eco-Tourism din tura chak taka hmalak mek a nih thu a sawi. Kristianna leh Mizo hnam leh ram venhimna rilru pu chunga khualzin mite lo dawngsawng thiam tum turin kalkhawmte a chah a. Mi dangte tana inpekna hi mahni nunah a lo let leh thin tih sawiin GAC-in mi dangte tana an inpekna chuan College-ah rah ?ha a chhuah ngei a beisei thu a sawi a. He hun hmanpuitu Hmuifang V.C te, M.U.P, Y.M.A, M.H.I.P leh hruaitu dangte chungah lawmthu a sawi a. Hmuifang khelmual chu Operation Mualzavata Scheme atanga siam puitlin a nih tur thu a sawi bawk.

GAC Vice Principal Pu Lalbiakzuala'n GAC-in kum 2019 atanga Adopted Village atana Hmuifang khua an thlan thu leh MoU tum hnihna atan sign a nih tawh thu a sawi a. Hmuifang khawtlang mipui ten kawng hrang hranga hma an sawn theihna atana thlan an nih chhan tlangpui a sawi a, GAC-a department pakuain a theih ang anga hma an lakpui tur thu a sawi a. Hmuifang khaw mi GAC-a zir reng reng chu a thlawna admission pek an nih thu te, kum khatah a thlawna inentirna, medical free clinic tum hnih neih tum a ni tih a sawi bawk.

Pu Lalruatfela, Hmuifang VCP pawhin khawtlang aiawhin GAC ten Adopted Village atana Hmuifang khua an thlan avanga lawmthu a sawi a, MoU an lo ziah tawh angin a tih hlawhtlinna tura theihtawp chhuah an tum thu leh thawh hona tha an neih zel a beisei thu a sawi bawk.

Vawiinah chuan Dr. Lalsangzuala Khiangte, Chairman, Village & School Adopted Cell, GAC-in hun a kaihruai a, Pi Hmingpuii Poonte, Principal, GAC-in lawmthu a sawi a. Function neih zawh hian GAC-a teaching staff, non-teaching staff, zirlaite leh Hmuifang khuaa N.G.Os ten hmunhma thenfai hnatlang an nei zui a ni.

Attachment

  • Loading attachment...