3510/2022-2023

7.2.2023: Vawiin hian Ministry of Tourism ruahman anga Mizoram Sorkara Tourism Department-in a taka function tura hma a lak mek State Institute of Hotel Management Bung Bangla-a mi chu Tourism Minister Pu Robert Romawia Royte hovin Prof F. Lalnunmawia, MLA, Vice Chairman, Horticulture Board, Pu Lawmawma Tochhawng, MLA, Vice Chairman, Lunglei HPC, Dr Vanlaltanpuia, MLA, Chairman, MYC leh Pu K.Laldawngliana, MLA, Vice Chairman, Industrial Development Board bakah Tourism Director leh official dang ten a hmunah tlawhin a taka function tura Tourism Department-in hma a lak dante an enho a. Tun hnaia Tourism Ministry-in Rs 200 lakh a sanction hmanga S.I.H.M atana bungbel leh hmanraw lei tharte an enho bawk.

Tourism Minister Pu Robert Romawia Royte chuan S.I.H.M building sakna tur sum hi kum 2008-09 ah Rs 800 lakh sanction a ni a, hun engemawchen hnuah sawrkar thar a lo din leh hnu 2019-ah SIHM danin a phut angin Cabinet in SIHM atan post 32 siamin a taka a function nan tan a la zui a. Covid hripui avanga harsatnain hmalakna a timuang chungin theihtawp chhuah azarah equipments ngai turte lei thar a ni leh ta a ni, a ti a. SIHM hi Mizoram mamawh em em a nih avangin sum harsatna khirh tak karah pawh a taka a function tan dan tur Sorkarin a ngaihtuah mek a, tih ngai la tam viau mahse kumin chhungin eng course ber emaw chu tan kan beisei a ni, a ti.

He SIHM-ah hian Main Building lian tha tak leh mipa leh hmeichhe hostel pakhat ve ve a hrangin a awm a, a tul anga tihchang tlun zel tum a ni.