2819/2022-2023

Aizawl 26.11.2022: Vawiin khan Tourism Minister Pu Robert Romawia Royte chuan Lungleng-I Branch YMA Platinum Jubilee lawmnaah khuallian niin a hmanpui.

He inkhawm Pu Vanlallura, President, Lungleng Branch YMA kaihhruaiah hian Tourism Minister chuan thusawiin, Lungleng-I Branch YMA-in tluang taka kum 75 tlinga Platinum Jubilee an hmang thei chu a lawmpui tih sawiin duhsakna a hlan a. Lungleng-I chu tourist destination pawimawh, chei zui zel tura Tourism Deptt-in a zirchian mek a ni a ti.

Minister Pu Robert Romawia Royte chuan Sorkar leh YMA thawhhona a tha a, hnam issue pawimawhah chuan YMA chu sorkar finchhuaha a taka a tul anga thawk thin a ni a ti. Ruihhlo hluar mek chungchanga YMA tanlakna leh ramria buaina leh kan unau raltlante lo buaipui kawngah te YMA an che tha tak zet a, kan hnam rohlu an ni a ti. 

He hunah hian Pu Lalhmachhuana, Vice President, Central YMA pawhin thu a sawi a ni. Lungleng Branch YMA Platinum Jubilee lawmna ruai khawtlang huapin an theh bawk a ni.

Platinum Jubilee lawmnaa khuallian hi Pu TC Pachhunga, ex-MLA & Vice Chairman, SEDP Board-in a tawiawm a ni.