2820/2022-2023

Aizawl the 26th November 2022 : Nimin khan School Education Minister Pu Lalchhandama Ralte chuan  Aizawl District Volleyball Association (ADVA) Ratu of  Rural Zone season opening  (2022-23) cum Tuivawl  A/C MLA cup 21st-25th, November chhunga East Phaileng Volleyball Court a khelh chu a kharna hun a hmanpui.

Kharna hunah hian School Education Minister Pu Lalchhandama Ralte chuan thusawiin a bial chhunga Thalai ten rilru leh taksa hrisel zawk an neih zel theih nan te infiamna lama ke an penna kawngah hmasawna an neih zel theihna nan leh a bial chhunga Thalai te leh Mipui ten in unauna leh inpawhna tha zawk an neih theihna atan he Volleyball Tournament hi buatsaih a ni tih a sawi. Minister  chuan  tunhnaiah a bial huam chhungah Zone hnihah inthenin MLA Cup Football Tournament hlawhtling takin buatsaih a nih tawh thu leh Zone Champion  ten final match an neih tawh thu te sawiin, Nakum lamah pawh harsatna lian tham te a thleng thut a nih loh chuan a bial chhunga thalaiten infiamna lama hma an sawn zel theihnan leh an taksa uluk taka an vawn nun  zel theihna turin Thalaite tan  hei  aia changtlung zawka Tournament  buatsaih a nih tur thu a  sawi bawk.

He ADVA Ratu of  Rural Zone season opening  (2022-23) cum Tuivawl  A/C MLA cup-ah hian Mipa Volley ball team 16 leh hmeichhe Volley ball Team 5 an chhuak a, Final Match-ah hian Mipa team-ah  Zorin VC Zohmun Team in Khawruhlian VC Team te chu (25-8, 25-22, 25-14) Straight Set  in an hneh a, Hmeichhe Team Final-ah East Phaileng GSA ten Darlawn VC chu (25-23, 27-25, 25-16) Straight Set in an hneh bawk. 

Mipa Volleyball Champion Team te hian Trophy leh Pawisa fai Rs 20,000 an dawng a, Hmeichhe Champion Team te hian Trophy leh Pawisa fai Rs 15,000 an dawng bawk.




Attachment

  • Loading attachment...