No.1964/2021-2022

Aizawl, the 23rd August 2021: Vawiin khan Delhi a Central sawrkar dawr a cham mek Tourism Minister Pu Robert Romawia Royte chuan Ministry thenkhata Secretary lian te kawmin Mizoram tana thil pawimawh te a sawipui.

Tourism Minister Pu Robert Romawia Royte chuan Pu Ravi Mittal, Secretary, Ministry of Sports & Youth Affairs a kawm hmasa ber a. Mizorama sports tihhmasawnna tur projects hrang hrang a sawipui a. Pu Ravi Mittal chuan Armed Venga Field chhawng siam mek chhunzawm zel nan sum sanction a nih tur thu lo hrilhin Minister rawtna angin Khelo India atang pawha projects thar pek belh theih a beisei thu alo hrilh a ni.

Sports Minister hian Shri T V Somanathan, Finance Secretary, Govt. of India pawh kawmin Mizoram tana Special Assistance to State For Capital Expenditure Rs 20000 lakh chu release thuai turin a ngen a. Sports Ministry hnuaia National Sports Development Fund pawh titawp lo tura ngenin Khelo India Scheme atana sum dah pawh tisang turin Finance Secretary chu a ngen bawk.Finance Secretary chuan Mizoram sum tur chu release vat anih tur thu Minister chu a hrilh a, NSD Fund leh Khelo India Fund chungchang pawh alo enchian tur thu a sawi bawk a ni.

ICT Minister nibawk Pu Roberta chuan Rajat Mishra Addl Secretary Deparment of Economic Affairs(DEA) pawh kawmin Tourism leh Sports atana EAP Projects te sanction rang tura ngenin IT hmasawnna sawipuiin DEA puihna a ngen a. Addl Secretary & Chairman EAP Screening Committee chuan lo tihhlawhtlinpui a inhuam thu ICT Minister hi alo hrilh bawk a ni.

Tourism Minister hian Tourism Secretary Shri Arvind Singh, Secretary, pawh kawmin Mizoram Projects submit tawh sa te chu sanction rang tura ngenin Mizoram sorkarin Tourism hmasawnna atana a hmalaknate a hrilhfiah bawk a ni.

Zanin hian Tourism Minister hian Union Tourism Minister te leh mi pawimawh dangte a hmu chhunzawm dawn a ni.

Minister hi Pu Ajay Choudhury IPS OSD,Mizoram House,Pu V.Lalengmawia Tourism Director leh official dang ten an tawiawm a ni.