1524/2022-2023
Aizawl the 9th August 2022: Vawiin khan Tourism Minister Pu Robert Romawia Royte'n Mizoram Taxi Association khawmpui General Assembly vawi 2-na R.Dengthuama Hall,Mualpuiah an neih chu khuallian niin a hmanpui.

Tourism Minister Pu Robert Romawia Royte chuan taxi khalhtu rinawmten an taxi a passengers te thil theihnghilh a neitu hnena an kir leh thlap thin hian Mizote min ti mawi a tiin hnam dang leh mimawl zawkte an thil hriatloh hrilhfiaha polite taka an kal duhna hmun hruaithlen thin hi thil tha leh pawimawh tak a ni a ti a.Taxi Drivers zawng zawngten saptawng emaw vaitawng emaw kan thiam vek lo a, tawng thiamloh avanga hnamdang phurh huphurh tur a nilo a;khawchhak rama taxi drivers ho pawhin an hnam tawng bak thiamlo chungin Foreigners hnam hrang hrang phur tam tamah an tang thei a ti.

Sports Minister ni bawk Pu Robert Romawia Royte chuan Taxi khalhtute chu inla fit reng tura fuihin kumtawp lam hun remchangah 50 Aside Football(Players 50 zel lehlam lehlama tanga inkhelhpui Fit Mizoram Taxi Cup chu Drivers te tan neih a rawt bawk.

He inkhawmpuiah hian Pu John Lalpeka GIG Motors neitupa chuan khualzahawm a niin a hmanpui a ni.

He hunah hian AMC,Tourism Deptt leh Lok Ayakta atangin thusawi ngaihthlak a ni a, taxi drivers te pualin Health Check Up neih a ni bawk. Conference ah hian Members 2300 vel an tel a ni.