Sorkar Laipui chuan mirethei ber hnena thleng phak tura a duan Insurance leh Pension scheme hrang hrangte chu mipui mimir hnena a zau thei ang bera puanzara hrilhfiah a nih theih nan Lunglei-ah 'Town Hall Meeting' neih a ni dawn a. He Meeting a duh apiang tana chhim theih tur hi August ni 6 (Ningani) dar 11:00 AM atangin Saukuti Hall-ah neih a ni ang.

Town Hall Meeting-ah hian Prime Minister's Insurance leh Pension Scheme, heng - 'Pradhan Mantri Suraksha Bima Yojana', 'Pradhan Mantri Bima Yojana' leh 'Atal Pension Scheme' chungchang hrilhhriatna leh sawizauna hun buatsaih a ni ang a. Heng Scheme zawm duhte tan ni 30th September 2015 thleng hun hawn a ni a. Town Hall Meeting neihna hmunah a dilna form pawh a duh atan lak theih nghal a ni ang.