Prime Minister of India, Pu Narendra Modi chuan ni 16 December, 2017 (Inrinni) hian Mizoram a rawn tlawh dawn avangin ni 16.12.17 zing dar 6 atanga chhun dar 12 inkar chhungin Thuampui Helipad junction atanga Treasury Square inkar via Bawngkawn, Chaltlang, Chanmari, Zarkawt, Dawrpui, Zodin Square, Treasury Square kawngpui sirah lirthei eng chi mah dah phal a ni lo.
Prime Minister of India hi Dan in a phut angin zalen taka a chetvel theihna tura lirthei tlan dan leh hun dan ruahmanna siam hi mipuite pawhin hrethiam a, zawm turin Traffic SP chuan a ngen a. Ni 16.12.2017 zing dar 8 atanga dar 11:30 inkar hian a chunga tarlan tak kawngpuiah lirthei duh ang angin a tlan theih dawn lova, lirthei neitute leh hmangtute pawh tum lohna lamah tlan tir a ngaih chang leh rei deuh tak din tir a ngaih hun te a awm dawn avangin hemi huam chhung bik hi chuan lirthei hmang tam lo tura inhmakhua lawk turin mipui a ngen a ni. Lirthei chhia kawngpui sira dah te pawhin senghawi vek tura ngen leh hriattir an ni bawk.
