Tukin khan Pi Lalbiaksangi, District Bawrhsap hovin Mamit Field Veng leh Mamit Bazar veng-ah a huho a khawlai thianfaia hmunphiahna hun neih a ni a. Community Voluntary Sweeping Centre hawngin, lirthei chi hrang hrang khalhtute hnenah Swachh Survekshan Sticker semna hun a nei bawk.

District Bawrhsap chuan Mamit khawpui chu District khawpui fai ber kan ni thei a, he Swachh Survekshan inelnaah pawh hian lawmman pakhatna la leh ngei tura tanrual a pawimawh thu a sawi a ni.

Swachh Bharat Mission (Urban) hnuaiah Swachh Survekshan 2018 chu kalpui mek niin hetah hian India ram khawpui fai inelna neih tur a ni a. Hemi-in a tum ber chu faina leh thianghlimna kawnga mipuite hma kan lo sawn a, kan lo hrisel zawk theih nana theihtawp chhuaha hmalak a ni. Community Voluntary Sweeping Centre-ah hian tlawmngaia khawlai tifaite hming ziahna tur Register dah nghal bawk a ni.

Vawiin Kick Off Programme hi Pu HD Lalpekmawia, DUDO chuan kaihhruaiin Mamit khawpui chhunga Head of Office leh khawtlang hruaitute an tel a ni.