Vawiin khan DC Conference Hall, Mamitah State Bank Of India, Lead Bank Office, Kolasib District bultumin District Consultative Committee (DCC)/ District Level Review Committee (DLRC) Meeting neih a ni a. Pi Lalbiaksangi, Mamit District Bawrhsap chuan Meeting hi a kaihruai.

Meeting-ah hian July - September, 2017 chhunga District chhunga Bank hrang hrangte hmalakna leh hlawhtlinna thlirho niin thutkhawm hnuhnung bera thurelte thlirletna leh sawihona neih a ni bawk.

Bank tinte chu Loan hrang hrang Crop Loan, Agriculture Loan, MSE Loan, Education Loan, Housing Loan etc, an pekchhuah dan Report thlirho niin Target khumlo Bank-te chuan an Target an khum loh chhan sawifiahna neiin Target khum ngei tura hmalak dan tur sawihona neih nghal a ni bawk.

Venhimna lam chungchang sawiho nghal niin Bank tinte chu venhimna tha tak Security Guard, CCTV, Fire Extinguisher etc an neih dan thlirho a ni bawk.

Meeting-ah hian Pi Lalbiaksangi, District Bawrhsap chuan Potential Linked Credit Plan (PLP), 2018-2019 chu a tlangzarh nghal bawk a ni.

Vawiin thutkhawmah hian Mamit District chhunga Bank hrang hrang aiawhte bakah Agriculture, Horticulture, DIC leh KVI aiawhte an tel a ni.