February Ni 11, 2019 atang hian PWD Aizawl Road South Division chuan Bazar Bungkawn leh Sikulpuikawn inkar kawngpui (main road) siamthat hna zan dar 9:00 atanga zing dar 4:30 inkarah a thawh dawn avangin kawngpui chanveah chauh lirthei a tlan thei dawn a, helai kawngpuiah hian fimkhur taka lirthei khalh turin mipui hriattir an ni a. Hnathawh tibuai thei turin kawngpui sirah lirthei leh bungrua dah phal a ni lo. Thupek hian chhiatrupna thil kangmei leh emergency kaihhnawiha duty leh dan leh thupek pawimawh bika duty chetvelna a huam lo vang. Thupek hian kawng siam zawh thleng a huam ang.