Ni 11 - 16, February 2019 chhung awh tur kangmei ven hapta 2019 chu 'Ram tikang lo turin mitin i fimkhur ang u' tih thupui hmangin vawiin kha Kolasib St.Joseph Parish hall ah Pu Vanlalchuailova , CF (NC) in a hawng.

khuallian chuan Ram kang ina chhiatna a thlen te sawi zauna hun hmangin ram ngaw bakah ramsa leh tuihna te pawhin an tawrh nasat thu a tarlang a, hemi bakah hian khawvel pum sik leh sa a a nghawng nasat zia te a sawi a ni. Lo hal chu kan mizo nuna bet tel tlat a nih avangin lo theiloh in kumtin lo kan hal a ngai si a, mahni lo vah bak tikang lo turin mitin in mawhphurna sang tak kan nei a, Pathian in chenna tur ram min pek hi duat taka kan enkawl loh chuan kan Ram hi kan tuchhuan te tan chenna tlak ah kan hnutchhiah dawnlo a ni a ti.

Pu C.Lalrinmuana, ACF (NC) chuan power point presentation hmangin ram ngaw hlut zia leh Ram tih kan a pawizia zirtirna hun a hmang a, Pu C Lianzuala, president Sub-Hqrs MUP kolasib pawhin thusawi na hun tawi a hmang bawk a ni. He hun hi Pu C.Liankunga, President Sub-Hqrs YMA Kolasib chuan kaihruaiin Pu R.lalhmingthanga, President MJA Kolasib District chuan lawmthu sawina in hnu a khar a ni.