Pi Sangchhin Chinzah, MCS, District Magistrate, Serchhip chuan a hnuai ami ang hian thupek a chhuah.

Thal lai anih avangin kangmei laka kan in leh lo, ramngaw leh nungchate kan him tlan theih nan khapna thupek chhuah hi thil tul tak a ni a.

Chuvangin kei, Sangchhin Chinzah, MCS, District Magistrate, Serchhip District, Serchhip chuan Section 144 Cr.PC in thuneihna min pek hmangin a hnuai a mi ang hian khapna  thupek ka chhuah e.

  1. Mi tumahin meilam tha tawk sial hmasa lo chuan lo/huan leh leipui an hal tur a ni lo.
  2. Mi tumahin mihring nunna leh bungrua/ro tana hlauhawm turin kangmei an ti chhuak tur a ni lo.
  3. Mi tumahin eirawngbawlna leh ran chaw chhumna leh intihlumna tana hman thuk, meihawl, khawnvartui, gas, electric thuk etc. kangmei duhawm lo ti chhuak thei zawngin a chelek/hmang tur a ni lo.
  4. Mi tumahin ramhnuaia an meichhem ti mit lovin an kalsan tur ani lo.
  5. Serchhip District chhunga lo, huan, leipui hal turte chuan March ni 15,2019 aia tlai lovah hal vek tur a ni.

 He thupek hi hman nghal tur niin, sut leh a nih hma loh chuan thla hnih chhung atan hman tur ani. He thupek bawhchhiate chu Section 188 IPC angin hrem theih a ni.

Vawiin 11th February, 2019 hian District Magistrate Seal nen hming ka ziah hnan e.