Vawiin February ni 12, 2019 a Mizoram Sawrkar Cabinet Meeting, Chief Secretary's Conference Hall a thukhawm chuan Citizenship Amendment Bill pass tura rawtna kal mek chungchangah a hnuai a mi ang hian thuchhuah a siam.

"Citizenship Amendment Bill pass tumna hi kan duhlo in thalo kan tih takzet avangin Cabinet Meeting hmasa ah pawh pass tawh a ni a. Kawng chi hrang hrangin kan duhlohna kan lo lan tir tawh a. Chief Minister pawhin tunhnaiah India Prime Minister leh Home Minister hnenah tha a tihloh thu thlenin pass lo turin na takin a lo nawr tawh a. Chubakah India hmarchhak hruaitute meeting-ah pawh kalin sulsutu ah tangin nasa takin hma a lo la tawh bawk. Vawiin Cabinet Meeting pawh hian chu thu chu sawi nawn lehin he Citizenship Amendment Bill hi pawm tha kan tilo a, kan duhlo takzet a. Kan theihtawpin dodal zui zel kan tum a ni."