Vawiin ni 5.11.2018 khan Aizawl Traffic Police hnuaia Traffic Warden hna thawktura training chhuak mi 27 te hnenah Certificate hlanna hun SP, Aizawl Conference Hall-ah hman ni.

He hunah hian Sr. Superintendent of Police, Traffic Pu H Ramthlengliana, MPS chuan fuihna leh lawmpuina thu sawiin Traffic Warden atana laktharte chu an hnathawhna kawng hrang hrangah hawihhawm leh rinawm taka mipuite tana thawk turin a chah a, felfai taka mahni invawng tur leh rintlak ni turin a fuih bawk a ni. Pu H Ramthlengliana chuan state pawn leh a bik takin foreign atanga zin mi lokalte hian Traffic Police-te hi min biak rawn hmasak berte zing ami kan nih thin avangin Ram leh Hnam hmelhmang tilangtu kan ni tih hria a, midangte tanpuina kawngah kan theihna sang ber hlan I tum theih ang u, a ti bawk.

Traffic Warden-te hi Traffic Police-te puitu tur an nih angin mipuite pawhin an thu leh hla ngaichang tur leh kan mamawhna chi hrang hrang heng; Inkhawmpui, Inneih, Lungphun leh puipunna hrang hrangah Institution hrang hrang ten kan hmang duh a nih chuan Suprintendent of Police, Traffic kal tlanga dawr theih an ni.