Kan hma inthlanpui kan  hmachhawn tura atana Mamit District Assembly Constituency pathum a, Political Party hrang hrang Official Candidate te'n hming pe lut.

Vawiin atana hming pek luhdan chu hetiang  hi a ni.

1- Hachhek Assembly Constituency atangin Indian National Congress (INC) Official Candidate Pu Lalrindika Ralte S/o Zanghinglova Ralte Aizawl Zarkawt, chuan Pu Jacob Lalawmpuia Returning Officer 1-Hachhek Assembly(ST) hnenah Nomination lehkha a  thehlut.

2-Dampa Assembly  Constituency, Returning Officer, 

Pu Lalnunhlua, hnenah hian Pu Lalrintluanga Sailo, chuan nomination lehkha Mizo National Front (MNF) official candidate ni turin a thehlut a, Pu Lalrobiaka, S/o  Sawnga (L) Dinthar-I Aizawl chuan Indian National Congress (INC) Candidate ni turin Nomination lehkha a thehlut bawk.

Vawiin vek hian Pu John Rotluangliana S/o Israel Sangkhuma (L) Dawrpui, Aizawl chuan Indian National Congress (INC) Official Candidate ni turin a hming a pe lut a, Pu Malsawmtluanga S/o Biakchhunga, Lower Zarkawt, Aizawl pawhin Bharatya Janata Party(BJP) Official Candidate ni turin nomination lehkha a thehlut bawk.

Vawiin-a inthlanpuia chuh tumte hian Security Deposit Rs 5000/-  an thehluh bakah intiam kamna an mahni Bialtu Ruturning Officer theuhte hnenah hian an la a ni.

Election Commission of India in thuchhuah a siam angin, Kumin inthlanpui atana  Nomination thehluhni atan hian Gazette Notification ni 2 Nov 2018 ah tihchhuah a ni a, Nomination lehkha hi ni 9. Nov.2018 thleng thehluh theih a ni