Vawiin chawhnu dar 2:00pm khan Siaha District DEO Pu Zoengsanga chuan a office chamber-ah Nodal officer te meeting a neih pui.

He meeting-ah hian  kan hma lawka MLA inthlanna lo awm tura mawhphurhna hrang hrang changtu Nodal officer 15 ten an chanpual  theuh va an hmalak tawh dan leh an  hmachhawp  hrang hrang te report an pe a, thawhho dan tha zawk leh samkhai zawk te dapin, huangzau tak leh khunkhan takin discussion DEO hovin an neih a ni.

Pu Zoengsanga chuan a tir lamah Siaha District in MLA inthlanna atana a inpuahchahnaah lo tel hman loh mah i la, Siaha District  DEO tura ruat ka nih tih ka hriat phat atangin,  Free ,Fair & Inclusive Election  conduct-na kawngah Siaha District hian kawng engkima hma hruaitu leh District dang te entawn tur ni theih khawpin  kan thawkrim ang a, tan kan la ang, tihin rilru ka lo siam tawh a. Vawiina  kan Nodal Officer ten in hmalak tawhna leh in hmachhawp hrang hrang report  ka ngaihthlak hian,  kan tih thei ang ti beiseina sang tak ka nei a ni, a ti.