Vawiin chawhma dar 10 : 30 khan DCs Conference Hall Saiha-ah “Training cum Workshop on Immigration Visa Foreigners Registration & Tracking (IVFRT) leh National Database on Arm Licence (NDBA)” chu neih ani.

He Training hi Pu John LT Sanga, Addl. D.C Saiha chuan a kaihruaia, kalkhawmte chawng lawmna thu leh training neih anih chhan leh a pawimawhna te sawihawnna thu a sawi a, Foreigners Issue leh Arm Licence chungchang thil kan hriat chian loh leh hriattur kan neih hrang hrang te min hrilhfiah turin hmun hla tak atangin mithiamte an rawn kal ani, tiin training a kal te chu thahnem ngai taka a tawp thleng a awm turin a sawm ani.

Resourse person thiam tak tak heng Pu Lalbiakzama, Addl Secretary Home & Deputy Secretary Home leh Pu David H.Lalthangliana, Under Secretary Home & OSD to Chief Secretary te hnen atangin paper present bengvarthlak leh ngaih nawm tak takngaihthlak anih bakah Pu Das NIC Officer chuan Paper Point Presentation hmangin heng thupui pahnih te hi entirin a hrilhfiah bawk ani. He Training ah hian Saiha khawpui chhunga Zirna in neitute, Hotel leh Restaurant hrang hrang neitute, Department hotute leh Chanchinbu mite an tel kim hle ani.