Vawiin khan State Institute of Rural Development & Panchayati Raj (SIRD&PR) Auditorium, Durtlang Leitan-ah ni 3 chhung awh tur "Training on GPDP and Office Procedure & Record Keeping" neih tan a ni a. Pu R.S. Lalzamliana, Director, Local Administration Department chuan he training hi a hawng.

Training hawnna inkhawm Pu Khawlsiamthanga Khawlhring, Senior Core Faculty, SIRD&PR kaihhruai-ah hian, Pu RS Lalzamliana chuan training pawimawh tak mai SIRD&PR-in an buatsaih chu lawmawm a tih thu sawiin intuaitharna hun leh an hnaa tangkai tur thil pawimawh tam tak chhar chhuahna atana hmang turin a fuih.Training-a an thil zir tur thenkhat chu an tan a tangkai nghal lo mai thei a, mahse an awmna hmun leh hnathawh dan azirin mamawh hun a awm thin a, chuvangin taima taka training a pawimawh, a ti a. Hlawkpui ngei tum a, rilru inhawng tak leh taima taka training nei turin Pu RS Lalzamliana chuan kalkhawm te a sawm a ni.

He training-ah hian Local Administration Department (LAD) hnuaia thawktu hrang hrang mi 33 telin, Course Director Pu H. Rosangpuia, Faculty, SIRD&PR leh SIRD&PR-a thawktu dangte bakah Pu Thara Lungtau, Dy. Director (Accounts), RD Department ten kalkhawm te hi zirtirna an pe dawn a ni.