SCERT, Mizoram buatsaihin nihnih awh “Training of Nodal Teachers on Drug Demand Reduction” chu High School zirtirtute tan 22nd -23rd August, 2019 hian SCERT Auditorium ah buatsaih a ni. He programme hi National Action Plan on Drug Demand Reduction, Ministry of Social Justice and Empowerment leh Ministry of Human Resource Development-in a huhoa hma a lakna hnuai a mi a ni.
   
He programme-ah hian hi Pi Lalduhawmi Thomte, Deputy Director, SCERT chuan he programme lo chhuah dan leh pawimawhna te sawifiahin ruihhlo tihduhloh na leh hnar ngamna tuh a tul zia te sawiin, zirtirna dik pek a tul thu te, Life Skills hmanga hmalak theihna te a sawifiah bawk. Heng bakah hian zirtirtute chu hemi kawnga tan la tura an pawimawh zia te hrilh thar leh in he training na hmanga an zir chhuah te chu ruihhlo laka an zirlaite an inven theih na tura hma nasa taka la a, hmang tangkai tur in a fuih bawk.
   
He hunah hian thupui pawimawh tak tak, tleirawl te leh thian te nawr na, rilru hriselna leh ruihhlo hman sualna Life Skills hmanga ruihhlo laka invenna, ruihhlo laka invenna bakah ruihhlo tite enkawlna chungchang, ruihhlo ngawl veina intan dan te an zir  ho dawn a ni. He hunah hian Resource Person turin SCERT Officers te bakah hetiang lama tawn hriat nei Doctor thiam tak tak, Dr. Chawnglungmuana, CEO Shalom, Dr. Ruth Lalmuanpuii, Consultant, Deptt. of Psychiatry, Civil Hospital leh Dr. Samuel Lalzarlawma, Superintendent LifCode Boys Home te hman an ni a, Aizawl District chhunga zirtirtu 34 te he programme ah hian an tel a ni.