Art & Culture Department leh Mizo Music Domain (MDM)-te tang dunin an buatsaih Inter College Folk Song Competition chu vawiin  khan Aizawl Vanapa Hall-ah neih tan a ni a. Pu Lalchuailova, Deputy Director, Art & Culture Department leh Mizo Music Domain (MDM) Senior Adviser ni bawk chuan Inter College Folk Song Competition hi a hawng a, hawnna thu sawiin, “Hnam zai tha tak tak kan neih te hi chawi lar zel chunga hriat leh thiam tum hi Mizoten kan tih tur pawimawh tak a ni a, khawvel hnam hrang hrang zinga Mizo kan nihna ti langtu pawimawh tak pakhat chu kan hnam zai-te hi an ni,” a ti. He intihsiaknaah hian College hrang hrang 9 atanga zirlaite an inel a ni.

Naktuk ni 23 Aug., 2019 zan dar 8-ah hian Vanapa Hall-ah Intihsiakna hi Final neih tur a ni a, Pu R. Lalzirliana, Hon’ble Minister, Art & Culture Department etc. chu khuallian a ni ang.