Vawiin khan Circuit House Conference Hall, Lunglei ah ni hnih(2) awh tur Training of SPIOs/SAPIOs/DAAs in The Right to Information Act 2005 in Lunglei District, Administrative Training Institute, Mizoram buatsaih chu Pu Abhijit Vijay Chaudhari IAS, Deputy Commissioner, Lunglei chuan a hawng.

Hawnna thusawiin Deputy Commissioner chuan Right to Information Act ah hian Sorkar chuan a la thutak hle a, kum 2005 ah Parliamenmt ah pass a ni a, Jammu & Khashmir tih loh India ram state leh Uniion Terretory zawng zawng ah hman tan a ni. RTI Act a pawimawh ber chu Obligation of Public Authorities, he danin a sawi ang zel in khua leh tui zawng zawngin thil hriat theihna chanvo an nei a. Mipui te laka sorkar thuneituten mawhphurhna an nei chu an thil chhinchhiah leh dahthat te hi dan in a duh anga entheih turin a hrilhfiahna nen indawt a zawn chhuah a rem a thil chhinchhiah chu a hun awm tawk chhungin leh sum awmdan a zirin computer a dah a, a duh tan a en theih turin rampum ah thlunzawm tur a ni a ti. RTI dan in hriat tur te hi mipui tan leh ram tan tangkai taka hmang turin trainer te a chah a ni.

Pu Vanlalvuana, Dy.Director ATI, Aizawl in thuhma sawiin Central CCS scheme kaltlangin District tin ah mithiam pathum thlan chhuah te hnenah training pek an ni a. He training hi distrioct capital tin a huaihawt a nih tur thu a sawi.

Pu R.Lalrochama, Associate Professor, Lunglei Govt. College resource person chuan Obligation of Public Authorities, disposal of information, third party information leh exemtion from disclosure tih thupui hmang in sawifiahna a nei a ni.

Pi Mary Lalromawii, Associate Professor, Govt.J Buana College, Lunglei resource person ni bawk chuan Role of SPIO's/SAPIO's, Procedure for requesting information leh Power and Function of Information Commission Appeal and Penalties tih thupui hmangin a sawi bawk.